لاتغيب >>>

كل ما ناظـرت بعيونـك يجينـي


من بلا الاشـواق شـيٍ يعترينـي


كـن بعيونـك جيـوشٍ مستـبـده


باطشه تمشـي بخطـة موسلينـي


أشعل الاشواق في وصلـك فديتـك


أبك قلبـي معـك يالـدر الثمينـي


كيف أخذته من ورا حدب المحانـي


لين صرت أحس به بينـك وبينـي


العيـون الذابلـه تفعـل بــلاوي


وأنت عينك في بحرهـا تحتوينـي


شف هدبها كيف بالاحكـام جايـر


كنـه يخيـرك بإحـدي حاجتينـي


ياتعيـش العمـر مجـروحٍ سببهـا


والله لتبطي وجرحـك مـا يزينـي


أو تجر الصوت بأسباب النواعـس


تكتب المسحوب وتجـر الهجينـي


الوكاد أنـي سببهـا رحـت فيهـا


كنهـا للضيـم والقتـل تحديـنـي


ساعـةٍ تقـول للاحسـاس قـرّب


وساعـةٍ تقـول كنهـا مـا تبينـي


يالطيـف الـروح خـاف الله فيـه


لاتهـور خابـرك عقلـك رزينـي


دامك اللي ساكـنٍ عينـي وقلبـي


وش ورا مسكنك في قلبي وعينـي


أن بغيت أنصفك بإحساس المشاعر


يقصر الاحساس يابهجـة سنينـي


والقصيد يضيـع بأسبابـك ولكـن


حط كفك لـو تكـرم فـي يدينـي


خـل كفينـي علـي كفـك تكلـم


خلها تنبيـك عـن شعلـة حنينـي


وعن كثير الهرج أبغرق وسط عينك


وأستمح منها فقـط فـي كلمتينـي


أنت مجـرم بالغيـاب وبالتواصـل


والدليـل أنظـر لحالـي مبتلينـي


ما يطفي لوعتي لحظـة وصولـك


غير ضمك من يسـاري لايمينـي


ويش أسوي دامني مخنـوق وانتـه


عاطر انفاسك بها كـل اكسجينـي


كنت أضمك في خيالي قبل أشوفـك


وصرت أشوفك وأتخيل ما تجينـي


طالبـك بسـم المحبـه ياحبيـبـي


لاتغيب أرجـوك خـاف الله فينـي